بە بڕیاری پارێزگاری سەپێنراوی کەرکووک ئەمڕۆ یەکشەممە سەرجەم تابلۆ و هێماکانی هاتووچۆ بە زمانی کوردی لە پارێزگاکەدا هەڵگیران.
هەڵۆ جەباری پەیامنێری (کوردستان تیڤی) لە کەرکووک پێی ڕاگەیاندین: بە بڕیاری ڕاکان جبووری پارێزگاری سەپێنراوی کەرکووک سەرجەم تابلۆ و هێماکانی هاتووچۆ کە بە زمانی کوردی لەسەریان نووسرابوو هەڵگیران و ئەو تابلۆیانە خرانە شوێنیان کە بە زمانی عەرەبی و ئینگلیزی لەسەریان نووسراون.
هەروەها ئەوەشی خستەڕوو کە ئەندام پەرلەمانانی سەرکەوتووی پارتی دیموکراتی کوردستان لە کەرکووک بۆ پەرلەمانی عێراق لە هەوڵدان بۆ گێڕانەوەی تابلۆ و هێماکانی هاتووچۆ بە زمانی کوردی.
جێی باسە ڕۆژی 23ـی 12ـی 2021 بە بڕیاری ڕاکان جبووری تابلۆی قەزای دووبز بۆ دبس و شارەدێی پردێ بۆ ئاڵتون کۆپری گۆڕدران.
کۆمێنت (0)
تا ئێستا هیچ کۆمێنتێک نەکراوە.