پۆلیسی هەولێر دەستگیرکردنی 2 تۆمەتباری ڕاگەیاند بە تۆمەتی دزینی ئۆتۆمبێل لە گەڕەکەکانی شادی و ئاری.
بەڕێوەبەرایەتی پۆلیسی هەولێر ڕاگەیانراوێکی بڵاوکردەوە و تێیدا هاتووە " بەشی پۆلیسی نەهێشتنی تاوان، نوسینگەی نەهێشتنی دزینی ئۆتۆمبێل بە هاوکاری نەھێشتنی تاوانی خەبات، 2 تۆمەتباریان بەناوەکانی (ڕ. م. ع.) و (ش. ب. ع.) دەستگیر کرد بە تۆمەتی دزینی ئۆتۆمبێل لە جۆری (تۆیۆتا پیکاب هایلۆکس) لە گەڕەکەکانی شادی و ئاری شاری هەولێر".
ئەوەشی خستۆتەڕوو "تۆمەتباران دوای دەستگیرکردنیان دانیان بە تاوانەکان ناوه و ئاماژهیان بهوهداوه كه یەکێک لە تۆمەتبارەکان هەڵدەستا بە دزینی ئۆتۆمبێلەکە و ئەویتریان ئۆتۆمبێلەکەی دەفرۆشتەوە".
پۆلیسی هەولێر ئاماژەی بەوەش دا پەڕاوی لێکۆڵینەوە بۆ تۆمەتباران بە پێی ماددە (446) لە یاسای سزادان بۆ ڕێکخرا و ڕەوانەی دادگه کران بۆ ئەوەی ڕێڕەوی یاسایی بەرامبەریان بگیرێتەبەر.
کۆمێنت (0)
تا ئێستا هیچ کۆمێنتێک نەکراوە.