دهۆک .. 153 دۆکان ل کومەلگەها دومیز دێ هێنە دابەشکرن لسەر خێزانێن کێم دەرامەت

لدویف راسپاردەیێن  د. عەلی تەتەر، پارێزگارێ دهوکێ و پشتی کارێ کومەلگەها هەڤچەرخ ( اسوق عصریه) یێن دومیز ب دوماهی هاتین دێ دەست ب دابەشکرنا وان هێتەکرن لسەر خێزانێن کێم دەرامەت، ئەڤجا هیڤی یە هەر خێزانەکا ئەڤ مەرجێن ل خوارێ ژێ بگرن بلا داخوازیەکێ پێشکێشی رێڤەبەریا ناحیا فەیدیێ بکەت هەر ژ روژا 2022/1/3 تا 2022/2/3 و هەمو داخوازی دێ ل بەرچاڤ هێنە وەرگرتن و هویربینی لسەر هێتەکرن ژلایێ وێ لژنا هاتیە پێکئینان ژلایێ رێزدار پارێزگارێ دهوکێ ڤە و سیستەمێ دابەشکرنێ دێ ب رێکا تیرو پشکێ بیت..
مەرجێن پێدڤی بو پێشکێشکرنا داخوازیێ:-
1 ــ دڤێت داخوازکەر خوجهێ رەسەن یێ ناحیا فەیدیێ بیت ب گوند و کومەلگەهێن وێڤە
2 ــ دڤێت داخوازکەر یێ بێ موچە بیت
3 ــ دڤێت داخوازکەر خێزانداربیت
4 ــ دڤێت داخوازکەر کرێدار بیت و نە خودان خانی( ملک) بیت
5 ــ دڤێت داخوازکەر سوزنامەیەکا یاسایی ل دادنڤیسی لسەرخو بدەت کو هەمی مەرجێن لسەری دیارکری ژێ بگرن
* بو زانین ژمارا دوکانا دبنە ( 153دوکان ) و ب رەنگەکێ شەفاف دێ ب رێکا تیرو پشکێ ( قرعه) هێنە دابەشکرن.
رێڤەبەریا گشتى یا باژێرڤانیان ل پارێزگەها دهۆكێ