کۆمپانیای دەرمانی فایزه‌ری ئەمریکی و کۆمپانیای بایۆنتێکی بایۆتەکنەلۆژیای ئەڵمانی، رێککەوتنێکی ھەماھەنگییان بۆ پەرەپێدانی یەکەم ڤاکسین لەسەر بنەمای (m-RNA) بۆ نەخۆشیی شینگڵس، واژوو کرد.
بایۆنتێک لە راگه‌یه‌ندراوێكدا كه لەسەر ماڵپەڕی كۆمپانیاكه بڵاوی كردووه‌ته‌وه، واژوو کردنی رێککەوتنێکی بە مەبەستی ئەنجامدانی توێژینەوە، پەرەپێدان و بازرگانی لە دژی نەخۆشیی شینگڵس کە به‌هۆی ڤایرۆسەوه دەگوازێتەوە، راگەیاند.
ئەوەش راگەیەندراوه کە بەمەبەستی پەرەپێدانی ڤاکسینی شینگڵس لە رێگای تەکنەلۆژیای (m-RNA)وە زانایانی ھەردوو کۆمپانیاکە بە سوود وەرگرتن لەو پلاتفۆرمانەی کە لە پەرەپێدانی ڤاکسینی کۆرۆنا بەکارھێنراوبوو، دەتوانن دەست بەکارەکانیان بکەن.
بەپێی رێککەوتنەکە، فایزه‌ر بڕی ٢٢٥ ملیۆن دۆلار وەکو پێشەکی دەدات بە بایۆنتێک و كۆمپانیاكه‌ش، بڕی 25 ملیۆن دۆلار لە بەرامبەر تەکنەلۆژیای دژەتەنی تۆمارکراو دەدات بە فایزه‌ر.
جەخت لەوەش کراوەتەوە کە یەکەم تاقیکردنەوەی سەرجێیی ڤاکسینی شینگڵسی فایزەر-بایۆنتێک، لە نیوەی دووەمی ساڵی 2022دا ئەنجامدەدرێت.
کۆمێنت (0)
تا ئێستا هیچ کۆمێنتێک نەکراوە.