له میانی په‌یوه‌ندییه‌كی ته‌له‌فۆنییدا، وه‌زیری ده‌ره‌وه‌ی ئه‌مریكا، ئه‌نتۆنی بلینكن و هاوتا ئیسرائیلییه‌كه‌ی، یائیر لاپید "هه‌ڵوێستی هێرشكارانه‌ی رووسیا بۆسه‌ر ئۆكراینا" و ئێران-یان تاوتوێ كرد.
وه‌زاره‌تی ده‌ره‌وه‌ی ئه‌مریكا لە راگه‌یه‌ندراوێکدا ئاماژەی بەوە داوە، بلینكن و یائیر له میانی په‌یوه‌ندییه‌كه‌دا، پێشهاته‌كانی ناوچه‌كه و كێشه جیهانییه‌كانیان تاوتوێ كردووه.
له راگه‌یه‌ندراوه‌كه‌دا هاتووه "هه‌ڵوێستی هێرشكارانه‌ی رووسیا بۆسه‌ر ئۆكراینا و ئه‌و كێشانه‌ی ئێران له ناوچه‌كه دروستی كردوون تاوتوێ كراوه.
هه‌روه‌ها بلینكن جه‌ختی له‌سه‌ر پابه‌ندی پته‌وی ئه‌مریكا بۆ پاراستنی ئاسایشی ئیسرائیل كردووه‌ته‌وه"
کۆمێنت (0)
تا ئێستا هیچ کۆمێنتێک نەکراوە.