جۆ بایدن سه‌رۆكی ئه‌مه‌ریكا بڕیاری دا جه‌نه‌ڕال مایكل ئیریك كۆرێلا بۆ پۆستی فه‌رمانداری گشتی فه‌رمانده‌یی ناوه‌ندی ئه‌مه‌ریكا كاندید بكات.
جه‌نه‌ڕال كۆرێلا شاره‌زاییه‌كی باشی له هه‌ردوو جه‌نگی عێراق و ئه‌فغانستان هه‌یه و بڕیاره شوێنی جه‌نه‌ڕال فڕانك ماكێنزی بگرێته‌وه كه له ساڵی 2019وه فه‌رمانداری گشتی فه‌رمانده‌یی ناوه‌ندی ئه‌مه‌ریكییه و بڕیاریشه له به‌هاری داهاتوو كۆتایی به كاره‌كانی بێت.
كۆرێلا ئێستا فه‌رمانده‌ی فه‌یله‌قی 18ی ئاسمانی سوپایه له فۆڕت براگ، خاوه‌نی سێ ئه‌ستێره‌ی سه‌ربازییه و له‌كاتی وه‌رگرتنی پۆسته نوێیه‌كه‌شدا ئه‌ستێره‌ی چواره‌می پێ ده‌درێ.
كۆرێلا له‌سه‌رده‌می سه‌رۆكانی پێشووی ئه‌مه‌ریكا باراك ئۆباما و دۆناڵد تره‌مپ پۆستی سه‌ربازی باڵای پێدراوه و شاره‌زاییه‌كی باشیشی له دۆسییه‌كانی ڕووبه‌ڕووبوونه‌وه‌ی تیرۆر له سوپای ئه‌مه‌ریكادا هه‌یه، هه‌روه‌ها پێشتر له عێراقیش له ساڵی 2005 به سه‌ختی بریندار ببوو.
کۆمێنت (0)
تا ئێستا هیچ کۆمێنتێک نەکراوە.