تیروپشکی یارییه‌کانی قۆناغی 16 ی جامی شای ئیسپانیا راکێشرا

 
دوای ته‌وابوونی قۆناغی سی و دووی جامی شای ئیسپانیا، دوای نیوه‌رۆی ڕۆژی هه‌ینی یه‌كێتی تۆپی پێی ئیسپانیا تیروپشكی یاریه‌كانی قۆناغی شانزه‌ی ئه‌نجامدا.
 له‌یاری لوتكه‌ی قۆناغی شانزه‌ هه‌ردوو یانه‌ی بارسه‌لۆنا و ئه‌تله‌تیك بیلباو رووبه‌رووی یه‌كتر ده‌بنه‌وه‌، یاریه‌كه‌ له‌سه‌ر یاریگای بیلباو ئه‌نجام ده‌درێت.
 سه‌باره‌ت به‌یانه‌ی ریاڵ مه‌دریدی پێشه‌نگی لالیگا، له‌یاری قۆناغی شانزه‌ی جامی شا گه‌شتی یاریگای ئێلچی ده‌كات و ده‌بێته‌ میوانی یانه‌ی ئێلچی، ریاڵ  بێتس له‌به‌رامبه‌ر یانه‌ی سڤییا یاری دێربی ئه‌نجام ده‌ده‌ن.
 یانه‌ی ئه‌تله‌تیكۆ مه‌درید‌ له‌م قۆناغه‌دا ئه‌ركی ئاسان نیه‌ و رووبه‌رووی یانه‌ی رالر سۆسیداد ده‌بێته‌وه‌، ڤاڵنسیا له‌به‌رامبه‌ر ئه‌تله‌تیكۆ بالیارس یاری ده‌كات، مایۆركا له‌به‌رامبه‌ر ئیسپانیول یاری ده‌كات، یاریه‌كانی قۆناغی شانزه‌ی جامی شای ئیسپانیا له‌رۆژی چوارده‌ی كانوونی دووه‌می داهاتوو به‌رێوه‌ده‌چێت.