16 كه‌س كه به‌هۆی به‌فربارینه‌وه له شاری موڕه له پاكستان له‌ناو ئۆتۆمبێله‌كانیاندا گیریان خواردبوو له‌سه‌رمان ره‌ق بوونه‌وه و گیانیان له‌ده‌ست دا.
میدیاكانی پاكستان بڵاویان كرده‌وه دوای ئه‌وه‌ی ئێواره‌ی دوێنێ شه‌پۆلێكی به‌فربارین ناوچه‌ی گالیات و شاری موڕه‌ی گرته‌وه كه 7٠9 كیلۆمه‌تر له ئیسلام ئابادی پایته‌خته‌وه دووره، 16كه‌س كه له‌ناو ئۆتۆمبێله‌كانیاندا گیریان خواردبوو له‌سه‌رمان ره‌ق بوونه‌وه و گیانیان له‌ده‌ست دا.
وه‌زیری ناوخۆی پاكستان، شێخ ره‌شید ئه‌حمه‌د رایگه‌یاند به‌هۆی پشووی كۆتایی هه‌فته‌وه ژماره‌یه‌كی زۆر ئۆتۆمبێل له سه‌ر رێگا گیریان خواردووه و هه‌وڵ ده‌ده‌ن دۆخه‌كه كۆنتڕۆڵ بكه‌ن.
ناوبراو تیشكیشی خستووه‌ته سه‌ر ئه‌وه‌ی كه هاتوچۆ له ناوچه چیایییه‌كانه‌وه بۆ ناو شار تاكوو ئێواره‌ی سبه‌ی داده‌خرێت و هه‌زاران كه‌س له كۆڵانه‌كان ماونه‌ته‌وه و تیمه په‌یوه‌ندیداره‌كانیش ده‌ستیان به هه‌ڵمه‌تێك كردووه بۆ گواستنه‌وه‌ی ئه‌و كه‌سانه بۆ شوێنی پارێزراو.
کۆمێنت (0)
تا ئێستا هیچ کۆمێنتێک نەکراوە.