لە راگەیەندراوێکی وەزارەتی دەرەوەی ئەمریکادا هاتووە "لە بارەی دوو هاککەری ئێرانی لایەنگری حکوومەتی تاران، بەدوای زانیاریدا دەگەڕێین. ئەو دوو هاککەرەش کە ناویان سەید محەمەد حوسێن موسا کازمی و سەجاد کاشانی-یە، کاریان بۆ کۆمپانیای ئەمانەت پاسارگاد کردووە و هەوڵیانداوە دەستوەربدەنە هەڵبژاردنەکانی 2020ی ئەمریکاوە".
هەروەها لە بەرامبەر پێدانی زانیاری دروست دەربارەی ئەو دوو هاککەرە، وەزارەتی دەرەوەی ئەمریکا بڕی 10 ملیۆن دۆلاری وەک خەڵات دیاریی کردووە.
لە راگەیەندراوەکەدا ئەوەش وەبیرهێندراوەتەوە کە لە رابردوودا ئەم دوو کەسە و کۆمپانیای ئەمانەت پاسارگاد، خراونەتە ناو لیستی سزادراوانەوە.
باس لەوەش کراوە کە ئەو دوو هاککەرە لە مانگەکانی ئاب تا تشرینی دووەمی 2020، هەوڵیانداوە لەڕێی هاککردنی نامەی ئەلیکترۆنی کۆمپانیا میدیاییەکانی ئەمریکاوە کاریگەری لەسەر دەنگدەران دروست بکەن.
کۆمێنت (0)
تا ئێستا هیچ کۆمێنتێک نەکراوە.