بایدن و ماکڕۆن قەیرانی ئۆکراینا - ڕووسیایان تاوتوێکرد

- کۆشکی سپی رایگەیاند، بایدن و ماکرۆن هاوڕابوون لەسەر بەردەوامیدان بە راوێژ لەگەڵ ئۆکراینا، هاوپەیمانان و هاوبەشەکانیاندا.
سەرۆکی ئەمریکا، جۆ بایدن و سەرکۆماری فەڕەنسا، ئیمانوێل ماکرۆن کۆکردنەوەی سەرباز لەلایەن رووسیا لەسەر سنوور لەگەڵ ئۆکراینا تاوتوێ کرد.
لەو بارەیەوە کۆشکی سپی راگەیەندراوێکی بڵاوکردەوە و تیایدا هاتووە، سەرکردەکان گفتوگۆیان کردووە لە بارەی بەردەوامی هەوڵە دیپلۆماسییەکان بەرامبەر کۆکردنەوەی سەربازی رووسیا لەسەر سنوور لەگەڵ ئۆکراینا.
بەگوێرەی راگەیەندراوەکە، بایدن و ماکرۆن جەختیان لەسەر گرنگیی پشتییوانی بۆ سەروەری و یەکپارچەیی خاکی ئۆکراینا کردووەتەوە و هاوڕابوون لەسەر بەردەوامیدان بە راوێژ لەگەڵ ئۆکراینا، هاوپەیمانان و هاوبەشەکانیاندا.