بایدن: له‌ئه‌گه‌ری هێرشی ڕووسیا بۆ سه‌ر ئۆكڕانیا وه‌ڵامی خێرامان ده‌بێت

سەرۆکی ئەمریکا، جۆ بایدن لە پەیوەندییەکی تەلەفۆنییدا لەگەڵ سەرۆکی ئۆکراینا، ڤلۆدۆیمیر زێلێنسكی پاڵپشتی وڵاتەی بۆ ئۆکراینا دووپات کردەوە.
لە راگەیەندراوێکی کۆشکی سپی-دا هاتووە، جۆ بایدن لە پەیوەندییەکی تەلەفۆنییدا لەگەڵ سەرۆکی ئۆکراینا، ڤلۆدۆیمیر زێلێنسكی هەڵوێستی ئەمریکای لەبارەی یەکپارچەیی و سەربەخۆیی خاکی ئۆکراینا دووپات کردەوە.
جۆ بایدن ئاشکراشی کرد لە ئەگەری هەر هێرشێکی رووسیا و هاوپەیمانانی بێدەنگ نابن و "بەشێوەکی خێرا" وه‌ڵامیان دەبێت.
جۆ بایدن و ڤلۆدۆیمیر زێلێنسكی جەختیان لە گرنگی گرتنەبەری رێگەی دیپلۆماسیی کردووەوە بەرامبەر بە کۆکردنەوەی سەربازانی رووسیا لەسەر سنووری ئۆکراینا.
لە راگەیەندراوێکی کۆشکی سپی-دا کە دوێنی بڵاوکرابووەوە، هاتووە جۆ بایدن لە پەیوەندییەکی تەلەفۆنییدا کە لەگەڵ سەرۆکی رووسیا، ڤلادیمیر پۆتین ئەنجامی دابوو هۆشداری دابووە رووسیا لە ئەگەری دەستتێوەردانی دووەمی ئەو وڵاتە بۆسەر ئۆکراینا "زیانی دارایی خێرا و جیددی" بەدوای خۆیەوە دێنێت.