نووسینگەی سەرۆكوەزیرانی بەریتانیا، لەبارەی پەیوەندییە تەلەفۆنییەكە راگەیەندراوێكی بڵاو كردووەتەوە و تێیدا باس لەوە كراوە، بۆریس جۆنسن و جۆ بایدن زانیارییان داوەتە یەكتری سەبارەت بەو دیدار و پەیوەندییانەی لەگەڵ سەركردەكانی جیهان بەمدواییە ئەنجامیان داوە.
لە راگەیەندراوەكەدا هاتووە: "(سەركردەكان) رێككەوتن لەسەر ئەوەی بۆ دیپلۆماتی و پاشگەزبوونەوەی رووسیا لەو هەڕەشانەی لە ئۆكراینای دەكات، دەروازەیەكی زۆر گرنگ ماوەتەوە".
لە راگەیەندراوەكەدا باس لەوەش كراوه، جۆنسن و بایدن، داگیركردنی زیاتری ئۆكراینا، بە قەیرانێكی درێژمەودا بۆ رووسیا كۆتاییدێت و بۆ رووسیا و جیهانیش زیانێكی فراوانی لێ دەكەوێتەوە.
لە راگەیەندراوەكەدا هاتووە: "(سەركردەكان) لەسەر ئەوە رێككەوتن كە پێویستە هاوپەیمانە خۆرئاواییەكان لە حاڵەتی زیادبوونی دوژمنكاریی رووسیادا، یەكگرتوو بن و پاكێجێكی قورسی سزای بەسەردا بسەپێنن. ئەمە جگە لەوەی سەرلەنوێ جەختیان لەوە كردەوە كە پێویستە وڵاتانی ئەورووپا ئاستی پابەندییان بە گازی سرووشتیی رووسی كەمبكەنەوە، كە ئەمە گورزێكی كوشندە لە بەرژەوەندییە ستراتیجییەكانی رووسیا دەدات".
ئەمریكا و بەریتانیا : داگیركردنی ئۆكراینا بە قەیرانێكی درێژمەودا بۆ رووسیا كۆتاییدێت
بۆریس جۆنسن ،سەرۆكوەزیرانی بەریتانیا، لە پەیوەندییەكی تەلەفۆنییدا لەگەڵ جۆ بایدن ، سەرۆكی ئەمریكا، لەبارەی ئۆكراینا، رێككەوتن لەسەر ئەوەی دەروازەی دیپلۆماتیی بە كراوەیی ماوەتەوە.
100%
کۆمێنت (0)
تا ئێستا هیچ کۆمێنتێک نەکراوە.