سەرۆک بارزانی پێشوازی لە باڵیۆزی بهریتانیا لە عێراق دەکات
ڕۆژی سێشەممە 15ـی شوباتی 2022 لە سەلاحەددین سەرۆک مەسعود بارزانی پێشوازی لە مارک بریسۆن ریچاردسۆن باڵیۆزی بهریتانیا لە عێراق و شاندێکی یاوەری کرد.
لە دیدارەکەدا دوایین پێشھاتەکانی نێو پڕۆسەی سیاسی عێراق تاوتوێ کرا و باڵیۆزی بهریتانیا لە عێراق جەختی لە پێگەی ھەرێمی کوردستان لە عێراق و ناوچەکە کردەوە.
ھەر لەو کۆبوونەویەدا تیشک خرایە سەر چاکسازییەکانی وەزارەتی پێشمەرگە و شاندی میوان وێڕای پێزانیان بۆ بەردەوامی ئەو چاکسازیانە، ھەماھەنگی و کاری ھاوبەشی نێوان ھێزی پێشمەرگەی کوردستان و ھێزەکانی عێراقیان بە ھەنگاوێکی ئیجابی بۆ سەقامگیریی ناوچە جێناکۆکەکان لە قەڵەم دا.
ھەڕەشەکانی تیرۆر لە عێراق و سوریا تەوەری تری ئەو دانیشتنەبوو.
کۆمێنت (0)
تا ئێستا هیچ کۆمێنتێک نەکراوە.