بەڕێوەبەرایەتی پۆلیسی سۆران ڕایگەیاند، ئەمڕۆ چوارشەممە باندێکی 5 کەسییان دەستگیر کردووە کە هەڵساون بە بازرگانیکردن بە کچێکی خوار تەمەن 18 ساڵ.
لە ڕاگەیەنراوی بەڕێوەبەرایەتییەکەدا هاتووە "دوای ئاگاداركردنەوەی پۆلیسی ناوشاری سۆران لە باندێكی پێنج كەسی کە ھەڵساون بە بازرگانیكردن بە کچێکی خوار ( 18 ) سـاڵ ، لەسەر بڕیاری دادوەری لێكۆڵینەوەی ســۆران توانرا تۆمەتباران بەپێی ماددەی 6 لە یاسای بازرگانیكردن بە مرۆڤ دەستگیر بكرێن."
ئەوەش خراوەتەڕوو "دوو لە تۆمەتبارەکان دانیشتووی شاری هەولێرن، یەكێكیان دانیشتووی شاری ئاكرێیە، دووتۆمەتبارەکەی دیکە دانیشتووی سۆرانن، لەدوای دەستگیركردنیان دانیان بە تاوانەكەدا ناوە."
ئاماژەی بەوەش داوە کە ئێستا ڕێككارەكانی لێكۆڵینەوە سەرەتاییەکان لەگەڵ تۆمەتبارەکان بەردەوامە.
کۆمێنت (0)
تا ئێستا هیچ کۆمێنتێک نەکراوە.