لە خولی باسكەی پیشەگەرانی ئەمەریكا، تیپی لۆس ئەنجلۆس كلیپێرز بە سەدوچل و دوو خاڵ بەرامبەر بە سەد و یازدە خاڵ لە تیپی هیوستن ڕۆكێتسی میوانی بردەوە.
یاریزانانی كلیپێرز ئاستێكی بەرزیان لە هەر چوار ماوەی یاریەكە پێشكەشكرد، تا لە ئەنجامدا ڕووبەڕوو بوونەوەكەیان بە جیاوازی سیی و یەك خاڵ بە سوودی تیپەكەیان تەواوكرد.
بەم ئەنجامەش كلیپێرز سیی و یەكەمین یاری لەم وەرزەی ئێن بی ئەی بردەوە، یاریزان ماركوس مۆریس ڕۆڵێكی كاریگەری لەم بردنەوەی كلیپێرز بینی و بیستوحەوت خاڵی لە یاریەكە تۆماركرد، لوكا كێناردی هاوكارەكەشی بیست و پێنج خاڵی دیكەی بۆ تیپی براوە بەدەستهێنا، لەو لاشەوە یاریزان جالێن گرین بیست و یەك خاڵی بۆ هیوستن تۆماركردو تیپەكەشی حەوتەم یاری لەسەریەك و چلوسێیەمین یاری لەم وەرزەی خولەكە دۆڕاند.
کۆمێنت (0)
تا ئێستا هیچ کۆمێنتێک نەکراوە.