تیمەکانی ئیدارەی پارێزگای مووش لە كوردستانی توركیا رێگاکانی سەر گوندی ئوچئێڤلەریان کردەوە کە دوو هەزار و 500 مەتر لە ئاستی رووی دەریاوە بەرزە و لە هەندێک ناوچەدا بەرزی بەفرەکە دەگاتە زیاتر لە سێ مەتر.
نزیکەی هەفتەیەکە بەهۆی بەفرەوە رێگاکانی گوندەکە داخراون و دوای هەوڵێکی زۆری تیمەکان، رێگاکان دووبارە بە رووی هاتوچۆدا کرانەوە.
یەکێک لەو کارمەندانەی ئامێری راماڵینی بەفری پێیە و بەشداری کردنەوەی رێگاکانی کردووە، رایگەیاند "وێڕای هەموو سەختیەکان هەوڵماندا رێگاکان بکەینەوە، بەهۆی بەفر و رەشەباوە دووبارە رێگاکان دەگیرێنەوە بەڵام ئێمە دووبارە دەیانکەینەوە. لە ئێستادا هەموو رێگاکان کراوەن بە رووی هاتوچۆدا، هەوڵی فراوان کردنی زیاتری رێگاکانیش دەدەین".
کۆمێنت (0)
تا ئێستا هیچ کۆمێنتێک نەکراوە.