کۆڵبەرێک لە کاتی کۆڵبەری بە هۆی جەڵتەی دڵ گیانی لەدەست دا

 کۆڵبەرێک لە کاتی کۆڵبەری لە سنووری نەوسوود بە هۆی جەڵتەی دڵەوە گیانی لەدەست دا.
 رێكخراوی هه‌نگاو بۆ مافه‌كانی مرۆڤ بڵاویكرده‌وه‌ ئه‌مڕۆ یه‌كشه‌ممه‌ 20  ی 2 ی 2022، کۆڵبەرێکی خەڵکی سەلاسی باوەجانی بە ناوی عەلی دەویشانفەرد تەمەن 47 ساڵ لە کاتی کۆڵبەری لە سنووری نەوسوود تووشی جەڵتەی دڵ بووە و گیانی لەدەست داوە.
بە وتەی سەرچاوەیەکی ئاگادار كه‌ به‌هه‌نگاوی راگه‌یاندووه‌، ئەم کۆڵبەرە لە ئەنجامی زەختی زۆرێک کە بە هۆی هەڵگرتنی کەل و پەلی قورس و هەروەها کەش و هەوای سارد و بارینی بەفر بۆ جەستەی هاتووە، تووشی جەڵتەی دڵ بووە و گیانی لەدەست داوە.
عەلی دەرویشانفەرد خێزاندار و باوکی دوو منداڵە و تەرمەکەی بۆ پزیشکی دادی شاری جوانڕۆ گوازراوەتەوە.