هاوپه‌یمانی عه‌ره‌بی ئه‌مڕۆ دووشه‌م تێكشكانی فڕۆكه‌یه‌كی بێفڕۆكه‌وانی بزووتنه‌وه‌ی (ئه‌نساڕوڵا)ی حوسییه‌كانی یه‌مه‌نی له نزیك فڕۆكه‌خانه‌ی مه‌لیك عه‌بدوڵا له جازان ڕاگه‌یاند، به‌ڵام خستنه‌خواره‌وه‌كه بووه هۆی برینداركردنی 4 هاووڵاتی سعوودی.
هاوپه‌یمانی عه‌ره‌بی كه سعوودییه سه‌ركردایه‌تی ده‌كات ڕایگه‌یاند: ئه‌مڕۆ توانیمان فڕۆكه‌یه‌كی حوسییه‌كان له نزیك فڕۆكه‌خانه‌ی مه‌لیك عه‌بدوڵا له جازان له سعوودییه بخه‌ینه خواره‌وه.
ڕاشیگه‌یاند: فڕۆكه بێفڕۆكه‌وانه‌كه له فڕۆكه‌خانه‌ی نێوده‌وڵه‌تی سه‌نعا فڕێنرابوو و به‌ره‌و سعوودییه به‌ڕێ خرابوو بۆ به ئامانجكردنی هاووڵاتییانی مه‌ده‌نی.
ئاماژه‌ی به‌وه‌ش دا كه دوای تێكشكان و خستنه‌خواره‌وه‌ی فڕۆكه‌كه، پارچه‌كانی كه‌وته‌خواره‌وه و بووه هۆی برینداركردنی 4 هاووڵاتی مه‌ده‌نی كه له‌نێو فڕۆكه‌خانه‌ی نێوده‌وڵه‌تی مه‌لیك عه‌بدوڵا بوون.
کۆمێنت (0)
تا ئێستا هیچ کۆمێنتێک نەکراوە.