خوێندنی باڵا: مەودای خوێندنی تەکنیکی و پیشەیی فراواندەکرێت

وەزارەتی خوێندنی باڵا و توێژینەوەى زانستی دەرگاى پێشکەشکردنی پرۆپۆزەڵ بۆ کردنەوەى پەیمانگەى تەکنیکی و پیشەیی (TVET)لە هەرێمی کوردستان ڕاگەیاند، بە مەبەستی پڕکردنەوەی پێداویستییەکانی بازاڕی کاری کوردستان، بە گەنجی کارامە و چالاک.
ئەمڕۆ چوارشەممە 12 ى 1 ى 2022، وەزارەتی خوێندنی باڵا و توێژینه‌وه‌ی زانستی حكوومه‌تی هه‌رێمی كوردستان بڵاویكرده‌وه‌، لە چوارچێوەى ئەو یاسا و ڕێنماییانەی پەیڕەوی دەکەین و بەمەبەستی پێگەیاندنی نەوەیەکی شارەزا، بڕیارماندا پێشینەی کارەکانمان لەمساڵدا تەرخان بکەین بە وەرگرتنی پرۆپۆزەڵی کردنەوەى پەیمانگەى تەکنیکی و پیشەیی (TVET)، هەوەها ئامانجمان لەم کارە بریتییە لە پڕکردنەوەی پێداویستییەکانی بازاڕی کاری کوردستان، بە گەنجی کارامە و چالاک.
راشیده‌گه‌یه‌نن: هەرکەسێک خوازیارە دەتوانێت تاکو بەرواری (10ی شوبات) پرۆپۆزەڵەکانی پێشکەش بکات.