لە پارێزگای کەرکووک دوو جار دەستڕێژی گولە دەکرێتە سەر ماڵی ئەفسەرێکی پێشمەرگە و هیچ زیانێکی گیانی بە دواوە نەبووە.
بنکەی پۆلیسی عروبە بە ماڵپەڕی (کوردستان تیڤی) ڕاگەیاند: ئێوارەی ئەمڕۆ پێنجشەممە ئەفسەرێکی کورد سکاڵای یاسایی تۆمار کردووە لە بنکەکەمان کە لە گەڕەکی پەنجا عەلی شاری کەرکووک تەقە لە ئەفسەرێکی کورد کراوە.
ڕاشیگەیاند: شەوی ڕابردوو و بەرەبەیانی ئەمڕۆ دوو جار دەستڕێژی گولە لە ماڵی ئەفسەرەکە کراوە و هیچ زیانیکی گیانی بە دواوە نەبووە.
ئاماژەی بەوەشکرد "ئەفسەرەکە پلەی ڕائیدە و ئەفسەری پێشمەرگەیە لە لیوای یەکی پیادەی وەزارەتی پێشمەرگەی هەرێمی کوردستان.
کۆمێنت (0)
تا ئێستا هیچ کۆمێنتێک نەکراوە.