له‌ ئێران سێ تووشبووی ئۆمیکرۆن گیانیان له‌ده‌ست دا

سێ تووشبووی گۆڕاوی ئۆمیكرۆنی ڤایرۆسی كۆرۆنای نوێ له‌ ئێران گیانیان له‌ده‌ست دا.

ته‌له‌ڤیزیۆنی فەرمیی ئێران بڵاوی كرده‌وه‌ كه‌ تا ئێستا هه‌زار و 162 كه‌س له‌و وڵاته‌ تووشی گۆڕاوی ئۆمیكرۆنی ڤایرۆسی كۆرۆنای نوێ بوون و سێ تووشبووش گیانیان له‌ده‌ستداوه‌.

به‌پێی راگه‌یه‌ندراوێکی وه‌زاره‌تی ته‌ندروستیی ئێران له‌ میانی 24 كاتژمێری رابردوودا، 18 تووشبووی كۆرۆنا گیانیان له‌ده‌ستداوه‌ و ئه‌نجامی پشكنینی هه‌زار و 421 كه‌سیش پۆزه‌تیڤ ده‌رچووه‌.

یه‌كه‌م حاڵه‌تی تووشبوون به‌ گۆڕاوی ئۆمیكرۆنی كۆرۆنا له‌ ئێران، 19ی كانوونی یه‌كه‌می 2021 ده‌ستنیشان كرا.