لە پارێزگای هەڵه‌بجه‌ دوو رۆژ کرایە پشووی فه‌رمی

بەھۆی دابەزینی پلەکانی گەرما و بەفربارین، دوو رۆژ لە  ته‌واوی دام و ده‌زگاكانی حكوومه‌تدا له‌ پارێزگای هه‌ڵه‌بجه‌ كرایه‌ پشووی فه‌رمی .
نیوه‌ڕۆی ئه‌مڕۆ دووشه‌ممه‌ 17 ى 1 ى 2022 ، پارێزگای هەڵەبجە لە راگەیەندراوێکدا بڵاویكرده‌وه‌: لەسەر بڕیاری پارێزگاری هەڵەبجە، رۆژی سێشەممە و چوار شەممەی ئه‌م هه‌فته‌یه‌ پشووی فەرمییە لە ته‌واوی دام و ده‌زگاكانی حكوومه‌تدا له‌ سنووری پارێزگای هه‌ڵه‌بجه‌.
هه‌ر ئه‌مڕۆ، د.هەڤاڵ ئەبوبكر پارێزگاری سلێمانیش لەڕاگەیەنراوێكدا  بڵاویكرده‌وه‌: بەهۆی بەفربارین و سەختی كەشوهەوا و نزمبوونەوەی پلەكانی گەرما و دروستبوونی ئاستەنگی هاتووچۆ بۆ هاووڵاتیان بەپاڵپشتی ئەو دەسەڵاتەی پێماندراوە ڕۆژانی سێشەممە و چوارشەممە 18 ، 19 ى 1 ى 2022،  لەسەرجەم  دام و ده‌زگاكانی پارێزگای سلێمانی دەكرێتە پشوو.