بۆرى هەناردەکردنى نەوتى هەرێمی کوردستان لە نێو خاکی تورکیا تەقییەوە و ئەمەش بووە هۆى وەستانێکى کاتى هەناردەکردنەکە بۆ بەندەرى جەیهان، لە ئێستاشدا ھەناردەکردنی نەوت دەستی پێکردووەتەوە.
وەزارەتی سامانە سرووشتیەکانی حکومەتی ھەرێمی کوردستان، ئهمڕۆ چوارشهممه 19ی کانوونی دووەمی 2022 رایگهیاند: دوای ئەوەی ئێوارەى رۆژی سێشەممە ڕێکەوتى 18ی کانوونی دووەمی 2022، بۆرى هەناردەکردنى نەوتى هەرێمی کوردستان لە نێو خاکی تورکیا تەقییەوە و ئەمەش بووە هۆى وەستانێکى کاتى هەناردەکردنەکە بۆ بەندەرى جەیهان.
وەزارەتی سامانە سرووشتیەکان روونیشكیردۆتهوه كه بەپێی زانیارییەکان، تەقینەوەی بۆرییەکە بە هۆی شۆرتی کارەبا ڕوویداوە و لەگەڵ ئەوەشدا حکومەتى هەرێم وردتر لە ڕووداوەکە دەکۆڵێتەوە.
وەزارەتی سامانە سرووشتییەکانی حکومەتی ھەرێمی کوردستان ئاماژهی بهمهشداوه كه ئەو تەقینەوەیە کاریگەریى لەسەر هەناردەکردنى نەوتى ھەرێمی کوردستان ھەبووە و لە ئێستاشدا ھەناردەکردنی نەوت دەستی پێکردووەتەوە.
کۆمێنت (0)
تا ئێستا هیچ کۆمێنتێک نەکراوە.