به‌هۆی ئه‌و ته‌قینه‌وه‌یه‌ی دوێنێ پێنجشه‌م له گانا ڕووی دا، به‌لایه‌نی كه‌م 17 كه‌س كوژران و چه‌ندانی دیكه‌ش بریندار بوون.
میدیاكانی گانا بڵاویان كرده‌وه: ئێواره‌ی دوێنێ له شاری بۆگۆسۆ بارهه‌ڵگرێكی پڕ له ته‌قه‌مه‌نی خۆی ده‌كێشێ به ماتۆڕسكیلێكه‌وه و به‌هۆیه‌وه وه‌رده‌گه‌ڕێ و سه‌رجه‌م ئه‌و ته‌قه‌مه‌نییانه‌ی له‌نێو بارهه‌ڵگره‌كه‌دا بوون ته‌قینه‌وه.
ته‌قینه‌وه‌كه بووه‌ته هۆی ئه‌وه‌ی چه‌ندان خانوو و باڵه‌خانه خاپوور بكات و ته‌نانه‌ت به‌شێكی شاری بۆگۆسۆ به‌ته‌واوی وێران بووه.
لای خۆیه‌وه كۆجۆ ئۆبۆنگ وه‌زیری ڕاگه‌یاندنی حكوومه‌تی گانا ئاشكرای كرد: به‌داخه‌وه به‌هۆی ته‌قینه‌وه‌كه ده‌ركه‌وتووه كه 17 كه‌س گیانیان له‌ده‌ستداوه و هه‌روه‌ها 59 كه‌سی تریش بریندار بوون.
کۆمێنت (0)
تا ئێستا هیچ کۆمێنتێک نەکراوە.