ئەڤرو سپێدێ رۆژا شەمبى ٢٢ی کانوونا دووێ ٢٠٢٢ “د.عەلى تەتەر” پارێزگارێ دهۆكێ پێشوازى ل پارتریاك كاردینال “د.مار لویس ساكو” سەروكێ كەنیسا كلدانى ل جیهانێ وشاندێ دگەلدا كر.
دهەڤدیتنەكێدا ب ئامادەبونا بەرێز “شمعون شلیمون” جێگرێ پارێزگارێ دهۆكێ بەحسێ رەوشا دەڤەرێ و كەلتورێ پێكڤە ژیانێ دناڤبەرا هەمو ئول ونەتەوەیان ل هەرێما كوردستانێ ب گشتى و ل پارێزگەها دهۆكێ ب تایبەتى و رەوشا سیاسى ل عیراقا فیدرال و هەولێن پێكئینانا حكومەتا نوو یا عیراقێ هاتە كرن.
پارێزگارێ دهۆكێ خوشحالیا خو ب سەرەدانێ دیاركر وتەكەزكر كو رێزدار“سەروك مسعود بارزانى” وسەروكێ هەرێمێ و سەروكێ حكومەتا هەرێما كوردستانێ گرنگییەكا تایبەت ددەنە پاراستنا مافێن هەموو خەلكێ كوردستانێ ب هەموو ئول ونەتەوەڤە وب چاڤێ رێزگرتنێ سەحدكەنە هەموویان وتەكەزكر كو ئەڤ كلتورە رۆژ بو رۆژێ دێ هێتە بەرجەستەكرن و ب یەكسانى ودادپەروەرى خزمەتا هەموویان دێ هێتە كرن.
ژلایێ خوڤە سەروكێ كەنیسا كلدانى ل جیهانێ گوت: ئەم زوور كەیفخوشین ب وێ سیاسەتا حەكیمانە یا سەركردایەتیا هەرێما كوردستانێ دگەل هەموو پێكهاتەیان وئول ونەتەوەیان پەیرەودكەت وپەسنا كلتورێ پێكڤە ژیانێ ل هەرێما كوردستانێ وپارێزگەها دهۆكێ كر وخواست رەنگڤەدانا پێكڤە ژیانێ وهەڤدوو قەبولكرن رۆژ بو رۆژێ پێشبكەڤیت و هەموو ب هەڤرا وب ئازادى وسەرفرازى ژیانا خو دەربازكەن.
سەروکێ کەنیسا کلدانى ل جیهانێ پەسنا کلتورێ پێکڤە ژیانێ ل هەرێما کوردستانێ دکەت
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.