لسەر راسپاردەیا مەسرور بارزانی سەرۆکێ حکومەتا هەرێما کوردستانێ ئەڤرۆ یەکشەمبێ دەزگەهێ خێرخوازیێ بارزانی خوە گەهاندنا کەمپا سەردەشتێ لسەرێ چیایێ شنگالێ و هاریکاریێن بلەز ب سەر واندا دابەشکرن.
پیر دەیان بەرپرسێ ئۆفیسا دەزگەهێ خێرخوازیێ بارزانی گۆت: ب هاتنا پێلەکا بەفر و بارانێ یا مەزن ل چیایێ شنگالێ بەرکەفتی و رهوشا خەلکێ دناڤ کەمپێ دا ئێکجار بەرەڤ خەرابیێ ڤە چووی ل سەر راسپاردەیا سەرۆکێ حکومەتا هەرێما کوردستانێ مە وەکو دەزگەهێ خێرخوازیێ بارزانی هاریکاریێن بلەز گەهاندن وێ کەمپێ.
هەروەسا گۆت: ئەڤ هاریکاریێن بلەز مە بهرهەڤکرین پێک دهاتن ژ 40 لترێن گازا سپی دگەل گینیكهكێ ئاری ژبۆ وان و ئەڤ هاریکاری ب سەر 1300 خێزانان دا هاتنە دابەشکرن و هەر تشتەکی ئەو پێدەڤی بوون ئەم دێ گەهینینه وان ل پێش هەر جهەکی ژبەر کو ئەو خەلکێ مەنە و رەوشا وان یا ب زەحمەتە و لپێشتر ژی مە وەکو دەزگەهێ خێرخوازیێ بارزانی 400 خیڤەت بسەر واندە بەلاڤکرن داکو ئەو ژ سەرمایا زڤستانێ د پاراستی بن.
هێژایێ گوتنێ یە کەمپا سەردەشتێ دکەڤێتە سەرێ چیایێ شنگالێ هەر ژ دەمێ کۆمکوژیا ئێزدیان ڤە ل سێ یی تەباخا سالا 2014ێ خەلکێ قبلەت و شەمالا شنگالێ لوێ کەمپێ ئاکنجی بوویە و د رهوشهكا بزەحمەت دا ئەو رۆژێن خوە دبنە سەر.
پەیامنێر/ رائید غانم
کۆمێنت (0)
تا ئێستا هیچ کۆمێنتێک نەکراوە.