هێزه‌ ئه‌منییه‌کانی ئێران هاووڵاتییه‌کی کورد ده‌ستگیر ده‌که‌ن

 کۆتایی هەفتەی ڕابردوو هاووڵاتییەکی خەڵکی بۆکان لەلایەن ناوەندە ئەمنییەکانی کۆماری ئیسلامیی ئێرانەوە دەست بەسەرو چارەنووسی نادیارە.
 رێكخراوی هه‌نگاو بۆ مافه‌كانی مرۆڤ بڵاویكرده‌وه‌، ڕۆژی پێنج شەممەی رابردوو 27 ى 1 ى 2022، هاووڵاتییەکی خەڵکی بۆکان بە ناوی حوسێن قوڕەیشی تەمەن 50 ساڵ لەلایەن هێزەکانی ئیدارەی ئیتلاعاتی ئەو شارەوە دەستبەسەر کراوە.
بە گوتەی سەرچاوەیەکی ئاگادار، حوسێن قوڕەیشی بەبێ پیشاندانی بەڵگەی دادوەری و لە ماڵەکەی خۆیدا دەستبەسەر کراوە.
سەرەڕای تێپەڕینی سێ ڕۆژ لە دەستبەسەر کرانی حوسێن قوڕەیشی، هیچ زانیارییەک لە سەر هۆکاری دەستبەسەر کران، شوێنی ڕاگیران و ئەو تۆمەتانەی کە خراونەتە پاڵ ناوبراو لە بەر دەستدا نییە.