فڕاكسیۆنی پارتی دیموكراتی كوردستان له ئهنجوومهنی نوێنهرانی عێراق پهیامێكی به بۆنهی ساڵیادی كۆچی دوایی ئیدریس بارزانی بڵاو كردهوه و تێیدا ئاماژهی بهوهدا كه بەڵێن بە گیانی پیرۆزی دەدەین لەسەر ئەو ڕێبازە بەردەوام بین و درێژە بە کاروانی خەبات و تێکۆشانی بدەین.
فڕاكسیۆنی پارتی ڕاشیگهیاند: ئیدریس بارزانی هەمیشە زیندوو خاوەن ڕوانگەی سیاسی گەورە و نیشتمانییانە بوو، سیاسەتمەدارێکی ڕۆشنبیر و دووربین و وردبین بوو.
دهقی پهیامهكهی فڕاكسیۆنی پارتی له ئهنجوومهنی نوێنهرانی عێراق به بۆنهی ساڵیادی كۆچی دوایی ئیدریس بارزانی:-
لە یادی سی و پێنج ساڵەی کۆچی دوایی سەرکردەی لێزان و پێشمەرگەی رۆژانی سەختی خەبات و بەرگری و سەرقافڵەی شۆڕشگێڕان، ئەندازیاری ئاشتی و تەبایی کاك "ئیدریس بارزانی" هەمیشە زیندوو، سڵاو دەنێرین بۆ گیانی پاکی، پابەندبوونمان بە ڕێبازی ئەو سەرکردە مەزنە کە رێبازی پیرۆزی بارزانی نەمر و پارتی دیموکراتی کوردستانە دووپات دەکەینەوە، بەڵێن بە گیانی پیرۆزی دەدەین لەسەر ئەو ڕێبازە بەردەوام بین و درێژە بە کاروانی خەبات و تێکۆشانی بدەین.
هێژا سەرۆک مەسعوود بارزانی لەبارەی کاک ئیدریسی هەمیشە زیندوو دەفەرموێ: کاک ئیدریس مرۆڤێکی زۆر گەورە بوو گەورەییەکەشی لە تێگەیشتوویی و پێگەیشتووییەکەییەوە سەرچاوەی گرتبوو.
بەهەق کاک ئیدریس بارزانی هەمیشە زیندوو خاوەن ڕوانگەی سیاسی گەورە ونیشتمانییانە بوو، سیاسەتمەدارێکی ڕۆشنبیر و دووربین و وردبین بوو، ئازادیخوازێکی خاکی و مرۆڤپەروەر بوو، خاوەن بەهاو مەبدەئی شۆڕشگێڕانەی ڕاستەقینەبوو.
لەم بۆنە خەمناکەدا دروود و سڵاو دەنێرین بۆ گیانی پاکی کاك ئیدریس بارزانی هەمیشە زیندوو سەرجەم شەهیدانی ڕێگای ئازادی گەل و نیشتمان و سەروەریان بارزانی نەمر .
فراکسیۆنی پارتی دیموکراتی کوردستان لە ئەنجوومەنی نوێنەرانی عێراق
30/1/2022
کۆمێنت (0)
تا ئێستا هیچ کۆمێنتێک نەکراوە.