له میانه‌ی به‌شداریكردن له به‌رنامه‌ی رۆژه‌ڤی كوردستان سه‌باره‌ت به گرژی نێوان ئۆكراینا و روسیا كارۆخ خۆشناو شاره‌زا له كاروباری نێوده‌وڵه‌تی رایگه‌یاند :
یه‌كه‌م وڵات بوو جیابۆوه له رووسیا به شێوه‌یه‌كی ئاسایی له رۆژهه‌ڵاتی ئه‌وروپا ، دوای ئه‌وه‌ی رووسیا دورگه‌ی كریمیا داگیر ده‌كات به‌وه‌ی مێژووه‌كی هاوبه‌شیان هه‌یه ، ئه‌وه‌ش ناره‌زایی ئه‌مه‌ریكای لێكه‌وتۆته‌وه ، ئه‌وه‌ش ترسی لای ناتۆ و ئه‌مه‌ریكا دروست كردووه به‌وه‌ی نه‌وه‌ك وه‌ساڵانی 2014 رووداوه‌كان دووباره ببنه‌وه .
به‌وه‌ش ناتۆ چه‌كی زۆری پێشكه‌ش به ئۆكراینا كردووه ، رووسیاش نارازییه به‌و پێشهاته نه‌وه‌ك ئۆكراینا ببێته به‌شێك له ناتۆ و ئه‌ندام یه‌كێتی ئه‌وروپا
روونیشیكرده‌وه كه رووسیا ئه‌و داوایه‌ی به فه‌رمی كردووه به‌وه‌ی ئۆكراینا نه‌بێته ئه‌ندام له یه‌كێتی ئه‌وروپا .
جوگرافیا فاكترێكی به‌هێزه بۆ ترسی رووسیا ، چونكه بوونی ئۆكراینا به ئه‌ندام له ناتۆ مه‌ترسی بوونی چه‌كێكی قورس بوونی ده‌بێت .
هێز یه‌كێكه له له ئامرازه‌كانی دانوستان ، چ ئه‌وه‌ی رووسیا ده‌یكات یان ئه‌مه‌ریكا و وڵاتانی ناتۆ ده‌یكه‌ن .
كارۆخ خۆشناو شاره‌زا له كاروباری نێوده‌وڵه‌تی رایگه‌یاند كه ئه‌مه‌ریكا و رووسیا ناكۆكییه‌كی زۆریان بۆ دروست بووه له‌و گرژییه‌ی ئۆكراینا ، به‌ڵام به‌رژه‌وه‌ندییه‌كانی ئه‌مه‌ریكا و رووسیا زۆر له‌وه گه‌وره‌تره ، ئیستا ئه‌مه‌ریكا پشت به سیاسه‌تی نه‌رم ده‌به‌ستن به تایبه‌تی دیموكراته‌كان له ئه‌مه‌ریكا .
جه‌ختیشی كرده‌وه كه چه‌ندین نێوه‌ندگیریش بۆ ئه‌و گرژییه سه‌ردانی هه‌ردوو لایان كردووه ، یه‌كێك له‌وانه ره‌جه‌ب ته‌یب ئۆردوگان بوو ، هه‌روه‌ها كه‌سانی دیكه‌ش بڕیاری سه‌ردانی هه‌ردوو لایان كردووه .
ئه‌گه‌ر شه‌ڕ روویدا خه‌لكی ئۆكراینا زه‌ره‌رمه‌ندی یه‌كه‌م ده‌بن و تووشی داروخان ده‌بن و ده‌بنه قوربانی .
ئه‌مه‌ریكا زانیاری هه‌یه كه رووسیا جدیه له هه‌ره‌شه‌كردن و كۆكردنه‌وه‌ی هێز له سه‌ر سنووره‌كانی ئۆكراینا .
كارۆخ خۆشناو شاره‌زا له كاروباری نێوده‌وڵه‌تی ئاماژه‌یدا كه له سه‌ده‌ی 21 ده‌ژین مرۆڤایه‌تی ده‌بێ وانه‌ی وه‌رگرتبێت ، له رابردوو ، له ئێستادا چه‌كی دبلۆماسیه‌ت به‌هێزتره له چه‌كی شه‌ڕ
دارشتنی : سوهێل تاهیر عه‌بدولڵا
کۆمێنت (0)
تا ئێستا هیچ کۆمێنتێک نەکراوە.