هۆکارەکانی سڕ بوونی دەست و قاچ بزانه‌

زۆر جار مرۆڤ ده‌ست و قاچه‌كانی تووشی سڕبوون ده‌بێت ،ئه‌مه‌ش ده‌بێته‌ هۆی ئه‌وه‌ی نه‌توانیت كاره‌كان به‌شێوه‌یه‌كی باش مه‌یسه‌ر بكه‌یت.
سڕ بوونی ده‌ست و قاچ و هه‌ست کردن به‌ مێروولەکردنی ده‌ست و قاچ و ته‌زوو هاتن پێیاندا کۆمه‌ڵێک نیشانه‌ن به‌ ته‌نیا یان به‌یه‌که‌وه‌ ده‌بنه‌ هۆی بێزارکردنی نه‌خۆش و ڕێگری ده‌که‌ن له‌ ئه‌نجام دانی کاروباری ڕۆژانه‌ی ئه‌و که‌سه‌ له‌گه‌ڵ تێکچوونی خه‌و و خه‌به‌ر بوونه‌وه‌.

گرینگترین هۆکاره‌کانی :

۱ ـــ بوونی فشار له‌ سه‌ر ده‌ماره‌کانی ده‌ست و قاچ به‌ هۆی :

- ئینزلاقی فه‌قه‌رات( دیسک )

- بوونی فشار له‌ سه‌ر ده‌ماره‌کانی ناو بڕبڕه‌کانی پشت به‌ هۆی نه‌خۆشیه‌کانی تری فه‌قه‌رات یان دروست بوونی کیس یان شێرپه‌نجه‌ یان کۆبوونه‌وه‌ی خوێن دوای زه‌بر که‌وتن به‌ بڕبڕه‌کانی پشت ۰

- بوونی فشار له‌ ناو مێشک به‌ هۆی دروست بوونی کیس یان شێرپه‌نجه‌ یان کۆبوونه‌وه‌ی خوێن دوای زه‌بر که‌وتن به‌ سه‌ر ۰

- جه‌ڵته‌ی مێشک ( سه‌کته‌ )

-بوونی فشار له‌ سه‌ر ده‌مارێکی دیاریکراو له‌ ده‌ست یان قاچ : بۆ نموونه‌ کۆنیشانه‌ی کاڕپه‌ڵ تێندن له‌ ده‌ست دا

۲ ـ نه‌خۆشی شه‌کره‌ : ته‌نانه‌ت ئه‌گه‌ر به‌ باشیش کۆنترۆل کرابێت

۳ ـ نه‌خۆشیه‌کانی تر :

- نه‌خۆشی گورچیله‌ : سستی گورچیله‌ یان وه‌ستانی گورچیله‌

- نه‌خۆشیه‌کانی دڵ و خوێنبه‌ره‌کان :سستی دڵ یان ته‌سک بوونه‌وه‌ی خوێنبه‌ره‌کان

- نه‌خۆشی شه‌قیقه‌

- سستی غودده‌ی ده‌ره‌قی

- تێک چوونی هۆرمۆنە‌کانی له‌ش

- کێشه‌ی کۆئه‌ندامی لیمفاوی : له‌گه‌ڵیدا ئه‌و شوێنه‌ ده‌ئاوسێت

- قه‌له‌قی و دڵه‌ڕاوکێ ، خه‌مۆکی ، هستریا

-بوونی هه‌وکردن له‌ ناو خوێن : وه‌ک ڤایرۆسی ( EB) ( CMV )، ئایدز

- نه‌خۆشیه‌کانی کۆئه‌ندامی به‌رگری :وه‌ک ڕۆماتیزمی جومگه‌کان ، گورگه‌ ، نه‌خۆشی گۆلیان بێری

- که‌مخوینی زۆر یان به‌رده‌وام

- هه‌ندێک نه‌خۆشی بۆماوه‌یی

٤ ـــ که‌می ڤیتامین و کانزاکان به‌ تایبه‌ت : ڤیتامین ( B1 ) , ( B6) ( B12) , ( Niacin) ) ، مه‌گنسێوم

٥ ـــ زۆر به‌کارهێنانی ده‌ست و قاچ ؛ وه‌ک زۆر به‌کارهێنانی مۆبایڵ و کۆمپیوته‌ر ؛ یان مه‌کینه‌ی درومان

٦ ــ هیلاکی و ماندوو بوون

۷ ـــ زۆر خواردنه‌وه‌ی مادده‌ کحولییە‌کان، جگه‌ره‌ کێشان ، نێرگه‌له‌ کێشان
ئا- كامران
ژێده‌ر- په‌یامی كورد