لە قەزای کۆیە ئافره‌تێک درایە بەر دەستڕێژی گولـلە و گیانی لەدەست دا

 له‌قه‌زای كۆیه‌ ئافره‌تێك  درایە بەر دەستڕێژی گولـلە و ته‌ندروستیش راگه‌یاندراوێكی له‌باره‌ی رووداوه‌كه‌وه‌ بڵاوكرده‌وه‌.
هاوکار محه‌مه‌د گوتەبێژی بەڕێوەبەرایەتی گشتی تەندروستی کۆیە بڵاویكرده‌وه‌: کاتژمێر (10:00)ى به‌یانی ئەمڕۆ چوارشه‌ممه‌ 9 ى 2 ى 2022، تەرمى ئافرەتێک گەیەنراوەتە نەخۆشخانەکەمان کە بە دەستڕێژى گولـلە له‌ ماڵه‌كه‌ی خۆیدا کوژراوە.
گوتیشى، ئافره‌ته‌كه‌ ناوی ( س ، خ ، ر) له‌دایكبووی ساڵی 1996 ، ڕووداوه‌كه‌ش له‌نزیك قوتابخانه‌ی كۆسره‌ت بووه‌. 
 راشیگه‌یاندووه‌،  ته‌رمی  ئافرەتەکە  له‌ئێستادا له‌به‌شی پزیشكی داوه‌ری كۆیه‌یه‌و بۆ لێكۆڵینه‌وه‌ی زیاتر له‌باره‌ی ڕووداوه‌كه‌وه‌.