كۆشكی شاهانه‌ی ئیسپانیا ئه‌مڕۆ چوارشه‌م ڕایگه‌یاند، دوای ئه‌نجامدانی پكشنین بۆ شا فیلیپ شای ئیسپانیا ده‌ركه‌وت كه تووشی ڤایرۆسی كۆڕۆنا بووه، ئه‌مه دوای ئه‌وه‌ی شه‌وی ڕابردوو له‌نێو خه‌ودا هه‌ندێ ئازاری سووكی لێ به‌دیار كه‌وتبوو.
كۆشكی شاهانه ڕاشیگه‌یاند كه شا فیلیپ بۆ ماوه‌ی هه‌فته‌یه‌ك خۆی كه‌ره‌نتین ده‌كات تا كۆڕۆنا تێده‌په‌ڕێنێ.
ڕاشیگه‌یاند كه باری ته‌ندروستی ئێستای شا زۆر باشه و له‌نێو باره‌گاكه‌ی كاره ڕۆژانه‌كانی به‌شێوه‌ی ئاسایی ڕایی ده‌كات.
جه‌ختیشی كرده‌وه كه دۆخی ته‌ندروستی شاژن لیتیسیا و كچه‌كه‌یان سۆفیا زۆر باشه و هیچ نیشانه‌یه‌كی ڤایرۆسی كۆڕۆنایان نییه.
کۆمێنت (0)
تا ئێستا هیچ کۆمێنتێک نەکراوە.