تەندروستی سلێمانی ڕایگەیاند، هەر خاوەنکارێک ڤاکسینی وەرنەگرتبێت مامەڵەکانی ڕایی ناکرێت و مۆڵەتی بۆ تازە ناکرێتەوە.
بەڕێوەبەرایەتی گشتیی تەندروستی سلێمانی ئەمڕۆ چوارشەممە ڕاگەیەنراوێکی بڵاکردەوە و تێیدا هاتووە "بەپێی بڕیارێکی بەڕێوبەرایەتییەکەمان ئاگاداری بازرگانان و خاوەنکارەکان دەکرێتەوە لە بەرواری (10-02-2022) بەدواوە هەر خاوەنکار و بازرگانێک پێویستە لەکاتی سەردانیکردن و ڕاییکردنی مامەڵە و دەرهێنان و تازە کردنەوەی مۆڵەت و ناسنامەی تەندروستی لە بەڕێوەبەرایەتی خۆپاراستنی تەندروستی بەشی چاودێری پابەندی ڕێنماییە تەندروستییەکان ببن و کارتی ڤاکسینیان پێ بێت".
ئاماژەی بەوەشدا "هەر خاوەنکار و بازرگانێک کارتی ڤاکسینی پێ نەبێت مامەڵەکانی ڕایی ناکرێت و مۆڵەتی کاری بۆ نوێ ناکرێتەوە".
کۆمێنت (0)
تا ئێستا هیچ کۆمێنتێک نەکراوە.