ل دۆر نەهێلانا گرانبوونا بهایێن نانی پارێزگارێ دهۆکێ کۆمبوونەک ئەنجامدا و چەند بریار هاتنە دەرئێخستن
ئەڤرۆ سپێدەهیا رۆژا پێنچشەمبی رێکەفتی ١٠ی شۆباتا ٢٠٢٢ێ ژبۆ نەهێلانا گرانبوونا بهایێ نانی ب سەرپەرشتیا بەرێز “د.عەلی تەتەر” پارێزگارێ دهۆکێ و ب بەرهەڤبوونا رێڤەبەرێ گشتی یێ کارەبا پارێزگەها دهۆکێ و رێڤەبەرێ بەلاڤکرنا نەفت و گازێ کۆمبوونەک هاتە ئەنجامدان.
دکۆمبوونێدا بریارهاتەدان کو کێمکرنا بهایێ کارەبا گشتی یا بازرگانی بو فرنان یا بەردەوام بیت و دانوستاندن هاتەکرن کو هەمی هەول دێ هێنەدان بابەتێ غازا شل ب بهایێن حکومی بو خودانێن فرنان بهێتەدابینکرن و دیفچوونا بهایێن ئاری دبازاری دێ هێتەکرن کو نابیت ب هیچ رەنگەکێ ئار بهێتەگرانکرن.
هەروەسا ل دویڤ گرێبەستا هاتیە ئیمزاکرن دگەل حکومەتا هەرێما کوردستانێ هەمی گەنمێ ئەڤ سالە یێ جوتیاران دێ وەرگریت و رۆژانە ٥٠٠ تەنێن گەنمی بو ئاری ل پارێزگەها دهۆکێ دێ هێنە هێران.
حکومەتا هەرێما کوردستانێ و کارگێریا پارێزگەها دهۆکێ چەندین کۆمبوون ئەنجامداینە کو نەهێلن بهایێ نانی بهێتە گرانگرن و هژمارەکا بریارێن پێدڤی دەرئێخستینە و بەردەوام دیفچوونا بازاری دهێتەکرن.
کۆمێنت (0)
تا ئێستا هیچ کۆمێنتێک نەکراوە.