به‌ڕێوه‌به‌ری ئاژانسی نێوده‌وڵه‌تی وزه‌ی ئه‌تۆم ئه‌مڕۆ چوارشه‌م ڕایگه‌یاند كه زانیارییان پێگه‌یشتووه ڕووسه‌كان به‌ته‌واوی ده‌ستیان گرتووه به‌سه‌ر وێستگه‌ی زابۆرۆگیا كارۆئه‌تۆمی ئۆكراینی.
رافایێل گرۆسی به‌ڕێوه‌به‌ری ئاژانسی نێوده‌وڵه‌تی وزه‌ی ئه‌تۆم ڕایگه‌یاند: ڕووسه‌كان پێیان ڕاگه‌یاندین كه شه‌وی ڕابردوو چوونه‌ته نێو وێستگه‌ی زابۆرۆگیا كارۆئه‌تۆمی ئۆكراینی و ته‌واوی ناوچه‌كه‌ی ده‌وروبه‌ریشیان كۆنتڕۆل كردووه.
وێستگه‌ی زابۆرۆگیا له 6 وزه‌ی كارۆئه‌تۆمی پێكدێت له كۆی ئه‌و 15 وزه‌ی كارۆئه‌تۆمییه‌ی ئۆكراینا.
لایه‌نی ئۆكراینی و ڕووسه‌كان پێشتر چه‌ندجارێك هۆشدارییان دابوو كه به‌هیچ شێوه‌یه‌ك نابێت له نزیك وێستگه‌كه شه‌ڕ و ڕووبه‌ڕووبوونه‌وه بكرێت به‌هۆی مه‌ترسی ته‌قینه‌وه‌ی وێستگه‌كه.
به‌ڕێوه‌به‌ری ئاژانسی نێوده‌وڵه‌تی وزه‌ی ئه‌تۆم جه‌ختیشی كرده‌وه كه هه‌رچه‌نده ئێستا كۆنتڕۆلی وێستگه‌كه له‌ژێر ده‌ستی ڕووسه‌كانه، به‌ڵام سه‌رجه‌م كارمه‌نده‌كان كاری خۆیان ده‌كه‌ن و وێسته‌گه‌ش له كاركردن به‌رده‌وامه.
کۆمێنت (0)
تا ئێستا هیچ کۆمێنتێک نەکراوە.