وه‌زاره‌تی به‌رگریی ڕووسیا له كۆتاییدا مانای نیشانه‌كانی (V و Z) سه‌ر تانك و ئۆتۆمبێله سه‌ربازییه‌كانی له ئۆپه‌ڕاسیۆنه‌كانی هێرشكردنه سه‌ر ئۆكراینای ئاشكرا كرد.
سه‌رجه‌م ئه‌و تانك و زریپۆش و ئۆتۆمبێله سه‌ربازییانه‌ی سوپای ڕووسیا له هێرشكردنه سه‌ر ئۆكراینا نیشانه‌ی (V و Z) له‌سه‌ر نووسراوه، بوونی ئه‌م نیشانانه له ماوه‌ی چه‌ند ڕۆژی ڕابردووی شه‌ڕدا قسه‌ی جیاجیای لێ كه‌وتبووه‌وه.
له‌مباره‌یه‌وه وه‌زاره‌تی به‌رگریی ڕووسیا له ماڵپه‌ڕی خۆی له تۆڕی كۆمه‌ڵایه‌تی (ئینستگرام) ڕایگه‌یاند: پیتی Z به مانای سه‌ركه‌وتن دێت، هه‌روه‌ها پیتی V هێز له ڕاستیدا به‌ده‌ست دێت، به واتایه‌كی تر كه ئۆپه‌ڕاسیۆنه سه‌ربازییه‌كه ده‌بێت هه‌ر به‌ده‌ست بهێنرێت.
جێی باسه ئه‌مڕۆ پێنجشه‌م هێرشه‌كانی ڕووسیا بۆ سه‌ر خاكی ئۆكراینا پێ ده‌نێته ڕۆژی هه‌شته‌مه‌وه و به‌هۆی ئه‌و شه‌ڕ و ئاڵۆزییانه‌ش به‌سه‌دان سه‌رباز له هه‌ردوولا كوژران و هه‌زاران هاووڵاتی ئۆكراینیش ئاواره و ده‌ربه‌ده‌ر بوون.
کۆمێنت (0)
تا ئێستا هیچ کۆمێنتێک نەکراوە.