هێزەکانى رووسیا لە ترسی بەئامانجکردنیان ئۆتۆمبێلە سەربازییەکانیان بە دار قەڵغان دەکەن

بەپێی ماڵپەڕى The Drive، شەقامەکانى ئۆکرانیا بوونە بە زەمینەیەکی بکوژ بۆ کاروانە سەربازییە رووسییەکان، کە بەناو چەند شوێنی دوژمنکارانەدا دەڕۆن. ئەمەش، لە کاتێکدایە کە ئەم هێزە کێشەی لۆجستییان خراپتربووە. هاوکات، لە دەستدانى ژمارەیەکی زۆری تانکە زرێپۆشەکان و ئەو زرێپۆشانەى کە سەربازەکان هەڵدەگرن، بەهۆی چەکە دژەتانکەکانەوە. 
هاوکات، ئەو ئۆتۆمبێلانەی کەمتر پارێزراون زیاتر رووبەڕووى تێکشاندن دەبنەوە، تەنانەت لە لایەن چەکە بچووکەکانیشەوە. بۆ ئەم مەبەستەش، شۆفێرە رووسەکان هەستاون بە قایمکردنى ئۆتۆمبێلە سەربازییەکان بۆ رووبەڕووبوونەوەى شەقامە کوشندەکان. لەم بارەیەشەوە، چەند وێنەیەکی ئۆتۆمبێلى KAMAZ رووسی بڵاوکراونەتەوە کە پێشەوەیان بە دار و کانزای فڕێدراو توندوتۆڵ کراوە. ئەمەش، بۆ پاراستنیان لە بە ئامانجکردنى چەکە بچووکەکان و دەربازبوون لە بۆسەى سەربازە ئۆکراینییەکان. 
یەکەمجار نییە، کە سوپای رووسیا هەڵدەستن بە گرتنەبەرى ئەم جۆرە رێکارە خۆپارێزییانە. بەڵکو، تەنانەت بۆ پاراستنی تانکەکانیشیان هەستاون بە دانانى کیسەی لمین لەسەر بەشی سەرەوەى بە مەبەستی قایمکردنى زرێپۆشەکەى. سەرەڕای ئەوەش، پێوەکردنى دارى درێژ بەدرێژایی تانکەکانیان و سوودلێوەرگرتنیشی بۆ دەربازکردنى تانکەکانیان لەو شوێنانەى کە قوڕاوین. هەروەها، بەکارهێنانى قەفەز لەسەر سەری تانکەکان بۆ توندوتۆڵکردنى زرێپۆشەکان و خۆپاراستن لە بەئامانجکردنیان لەلایەن مووشەکانى جاڤلین و درۆنەکاوە.