بڕیارە ئەمڕۆ دووشه‌ممه 14 ى 3 ى 2022، کۆبوونەوەیەک بەمەبەستی تاوتوێ کردنی ئەنجامە سەرەتاییەکانی دانوستانی نێوان رووسیا و ئۆکراینا ئەنجام بدرێت.
جێگری سەرۆکی نووسینگەی سەرۆکایەتی ئۆکراینا، میخایل پۆدۆلیاک ئاماژەی بەوە کرد کە ئەمڕۆ کۆبوونەوە دەکرێت بەمەبەستی تاوتوێ کردنی ئەنجامە سەرەتاییەکانی دانوستانی نێوان رووسیا و ئۆکراینا.
پۆدۆلیاک لە راگەیەندراوێکدا کە لە هەژماری تۆڕی کۆمەڵایەتی بڵاوی کردەوە، ئاماژەی بەوە کرد کە دانوستانەکان بە بەردەوامەی بە شێوەی ئۆنلاین بەردەوامن، گرووپەکانی کار بەردەوام لە هەوڵدان و هەندێ بابەت پێویستی بە سەرنجدان و وردیە.
گوتیشی: لە 14ی ئاداردا دانوستان دەکرێت بۆ گفتوگۆکردن لەبارەی ئەنجامە سەرەتاییەکان.
گوتەبێژی کرملین، دیمیتری پێسکۆڤ، ئاماژەی بەوە کردبوو خولی داهاتووی دانوستانەکانی نێوان رووسیا و ئۆکراینا بۆ دەستەبەرکردنی ئاگربەست ئەنجام دەدرێن.
کۆمێنت (0)
تا ئێستا هیچ کۆمێنتێک نەکراوە.