سەرۆکی ئەنجوومەنی نوێنەرانی عێراق ئەمڕۆ چوارشەممە لە ساڵیادی قوربانییانی هەڵەبجە بە چەکی کیمیایی ڕایگەیاند، پەلە بکرێت لە یەکلاکردنەوەی ڕێوشوێنی پێویست بۆ بوونی بە پارێزگا وەک ڕێزێک بۆ شەهیدان و دانیشتووانەکەی.
محەمەد حەلبووسی سەرۆکی ئەنجوومەنی نوێنەرانی عێراق لە پەیامێکدا لە تۆڕی کۆمەڵایەتی تویتەر لەبارەی ساڵیادی قوربانییانی هەڵەبجە بە چەکی کیمیایی نووسیویەتی "سەری ڕێز و نەوازش دادەنەوێنین بۆ ئەو گیانە بێتاوانانەی لە کۆمەڵکوژی هەڵەبجەدا بوونە قوربانی، خەبات و قوبانیدانی گەلی کوردمان وەبیردێنینەوە."
لە درێژەی پەیامەکەیدا حەلبووسی جەختی کردەوە کە داوا دەکەن پەلە بکرێت لە یەکلاکردنەوەی ڕێوشوێنی پێویست بۆ بوونی بە پارێزگا وەک ڕێزێک بۆ شەهیدان و دانیشتووانەکەی.
کۆمێنت (0)
تا ئێستا هیچ کۆمێنتێک نەکراوە.