ئێواره‌ی ئه‌مڕۆ چوارشه‌م بوومه‌له‌رزه‌یه‌كی به‌هێز و مه‌ترسیدار به گوڕی 7.3 پله‌ی ڕێخته‌ر باكوری ڕۆژهه‌ڵاتی ژاپۆنی هه‌ژاند و مه‌ترسی ئه‌وه‌ش هه‌یه تسۆنامی ڕووبدات.
ته‌له‌فزیۆنی (NHK)ی ژاپۆنی ڕایگه‌یاند: ئێواره‌ی ئه‌مڕۆ بوومه‌له‌رزه‌یه‌ك به گوڕی 7.3 پله‌ی ڕێخته‌ر له باكوری ڕۆژهه‌ڵاتی ژاپۆن ڕوویداوه و مه‌ترسی ئه‌وه‌ش هه‌یه له‌نێو ده‌ریاكان تسۆنامی به به‌رزی زیاتر له مه‌ترێك ڕووبدات.
ڕاشیگه‌یاند: هه‌ر دوای بوومه‌له‌رزه‌كه به چه‌ند خوله‌كێك تسۆنامی گه‌شته كه‌ناراوه‌كانی هه‌ردوو پارێزگای میاگی و فۆكۆشیما.
به‌رپرسانی حكوومه‌تی ژاپۆن داوایان له هاووڵاتییان كرد به زووترین كات كه‌ناراوی ده‌ریاكان جێبێڵن و ڕوو له شوێنه ئارامه‌كان بكه‌ن.
پارێزگای فۆكۆشیما بنكه‌ی ئه‌تۆمی به‌رهه‌مهێنانی كاره‌بای لێیه و ئێستا پسپۆرانی حكوومه‌ت خه‌ریكی پشكنینی بنكه ئه‌تۆمییه‌كانن تا دڵنیابن به‌هۆی بوومه‌له‌رزه‌كه هیچ زیانێكیان به‌رنه‌كه‌وتووه.
کۆمێنت (0)
تا ئێستا هیچ کۆمێنتێک نەکراوە.