گه‌رمیان... له‌ڕووداوێكی هاتووچۆدا شۆفێری ماتۆڕسكیلێك گیانی لەدەستدا

 رووداوێكی هاتووچۆ له‌سه‌ر ڕێگه‌ی نێوان كه‌لار - ڕزگاری گیان له‌ده‌ستدانی لێكه‌وته‌وه‌.
له‌راگه‌یاندراوێكدا، به‌ڕێوه‌به‌رایه‌تی هاتووچۆی گه‌رمیان بڵاویكرده‌وه‌،  شەوی رابردوو ‎لەسەر ڕێگەی نێوان (كەلار – رزگاری) نزیك بەنزینخانەی (هاوچەرخ) ڕووداوێكی  هاتووچۆ لە جۆری پێكدادان ڕوویداوە.
هاتووچۆی گه‌رمیان راشیده‌گه‌ێنێت، ڕووداوەكە لە نێوان ئۆتۆمبێلێك لە جۆری (كیا سۆرینتۆ و ماتۆڕسكیلی دوو تایە ) بووه‌، لە ئەنجامی ڕووداوەكەش  شۆفێری ماتۆڕسكیلەكە گیانی لەدەستدا سەرنشینەكەی بریندار بوو.
هه‌روه‌ها راشگه‌یاندراوه‌، بریندارەكە بۆ وەرگرتنی چارەسەری پێویست گەیەندراوەتە نەخۆشخانەی فریاكەوتنی شەهید هەژار لەكەلار، لەلایەن تیمی هاتووچۆوە لێكۆڵینەوە لەڕووداوەكە دەستی پێكردووە.