ئەمرۆ یەکشەم شێخ نیاز راغب نەقشبەندی بەرێوەبەری گشتی حەج و عومڕەی هەرێمی کوردستان لەلایەن وەزارەتی حەج و عومڕەی سعوودییەوە بانگهێشتنامەی فەرمی پێگەیشت بۆ بەشداریکردن لە چالاکییەکانی کۆنگرە و پیشانگهی نێودەوڵەتی خزمەتگوزارییەکانی حەج و عومڕە.
کۆنگرەی خزمەتگوزاری حەج و عومڕە سبەی دووشەم لە شاری جەددە له وڵاتی سعوودییه دهست پێ دهكات و بۆ ماوەی سێ رۆژ بهردهوام دهبێت.
کۆنگرەكه کە لەلایەن وەزارەتی حەج و عومڕەی سعوودییەوە ئامادەکاری بۆ کراوە، وەزیری حەج و عومڕەی هەموو وڵاتانی جیهانی ئیسلامی بەشێوەیەکی فەرمی بانگهێشتکراون لەناو ئەوانیشدا بەرێوەبەری گشتی حەج و عومڕەی هەرێمی کوردستان.
کۆنگرەکە تایبەتە بە کەسانی خاوەن بڕیار لە شارەزایان و سەرۆک شاندەکانی حەج و عومڕە لە هەموو جیهانی ئیسلامی بۆ تیشکخستنە سەر پرۆژەکانی داهاتووی سعوودییە لەپێناو پەرەپێدانی زیاتر بە پرۆسەی حەج و عومڕە و هەروەها دروستکردنی پردی پەیوەندیی زیاتر و بەکارهێنان و کارپێکردنی تەکنەلۆژیای سەردەم بە مەبەستی زیاتر بەرەوپێشچوونی پرۆسەی حەج و عومڕە.
بڕیارە هەر لە میانەی چالاکییەکانی کۆنگرەكهدا بڕیار لەسەر چۆنییەتی بەرێوەچوون و دانانی میکانیزم بۆ پێشوازیکردن لە حەجی ئەمساڵ دەربکرێت.
کۆمێنت (0)
تا ئێستا هیچ کۆمێنتێک نەکراوە.