لەسەر سکاڵای بەڕێوەبەرایەتی گشتیی شەهیدان و ئەنفالکراوانی هەڵەبجە ئەمڕۆ دووشەممە کچە مۆدێلێکی کورد بەتۆمەتی سوکایەتی بە شەهیدان و دانیشتووانی پارێزگای هەڵەبجە دەستگیر کرا.
بەڕێوەبەرایەتی پۆلیسی پارێزگای هەڵەبجە ڕاگەیەنراوێکی سەبارەت بە دەستگیرکردنی کچە مۆدێلێک بڵاوکردەوە و تێیدا هاتووە "لەسەر سکاڵای بەڕێوەبەرایەتی گشتیی شەهیدان و ئەنفالکراوانی پارێزگای هەڵەبجە بەتۆمەتی سوکایەتی بە شەهیدان و دانیشتووانی پارێزگای هەڵەبجە ئەمڕۆ دووشەممە مەفرەزەی بنکەی پولیسی فریاکەوتنی هەڵەبجە تۆمەتبارێکیان لەشاری سلێمانی دەستگیر کردووە."
ئەوەشی خستەڕوو کە بە هاوکاری بەڕێوەبەرایەتی پولیسی پارێزگای سلێمانی و دەزگا ئەمنییەکانی دیکە تۆمەتبار (س.ی.ئـ) لەدایکبووی 1994/ دانیشتووی سلێمانی گوندی ئەڵمانی بەپێ ماددەی 2ی خراپ بەکارهێنانی ئامێری پەیوەندیکردن دەستگیر کرا.
ئاماژەی بەوەش دا کە بە بڕیاری دادوەری لێکۆڵینەوەی هەڵەبجە تاوەکو ڕێکەوتی 30/03/2022 زیندانی کرا و دۆسیەی لێکۆڵینەوەی لە بنکەی پۆلیسی شەهید سەرکار بۆ ڕێکخراوە.
کۆمێنت (0)
تا ئێستا هیچ کۆمێنتێک نەکراوە.