رێكخراوی هه‌نگاو بۆ مافه‌كانی مرۆڤ بڵاویكرده‌وه، به‌تۆمه‌تی به‌شداریی كردنییان له ئاهه‌نگی جه‌ژنی نه‌ورۆزدا، هێزه ئه‌منییه‌كانی ئێران هه‌ڵمه‌تێكی ده‌ستگیركردنی هاووڵاتییانی كوردییان ده‌ستپێكردووه.
هه‌نگاو رایده‌گه‌ێنێت، دوێنێ ڕۆژی دووشەممە 21 ى 3 ى 2022، لە شاری سنە هێزه ئه‌منییه‌كانی ئێران پێنج هاووڵاتی كوردییان به‌ناوه‌كانی، سوهراب جەلالی ته‌مه‌ن 60 ساڵ ، خاڵۆ جەماڵ ئەسەدی ته‌مه‌ن 65 ساڵ، دایە بەتوول ئەعزەمی 75 ساڵ، فواد عەنایەتی ته‌مه‌ن 35 ساڵ ، ئاریانا سه‌لیمی ته‌مه‌ن 14 ساڵ، به‌تۆمه‌تی به‌شداری كردنییان له ئاهه‌نگی جه‌ژنی نه‌ورۆزدا ده‌ستگیر كردووه و تا ئێستاكه‌ش هیچ زانیارییەک لە سەر چارەنووسیان لە بەر دەستدا نییە.
رێكخراوی هه‌نگاو بۆمافه‌كانی مرۆڤ ئاماژه به‌وه‌شده‌كات، له شاری پیرانشار دوو هاووڵاتی دیكه‌ی كورد به‌ناوه‌كانی ساسان پاداش و ئه‌حمه‌د ڕه‌سوڵی به‌تۆمه‌تی به‌شداری كردنیان له‌ئاهه‌نگی جه‌ژنی نه‌ورۆز له‌لایه‌ن هێزه هێزه ئه‌منییه‌كانی ئێرانه‌وه ده‌ستگیركراون.
کۆمێنت (0)
تا ئێستا هیچ کۆمێنتێک نەکراوە.