دوای مانەوەی عومرەکارێکی کورد زیاتر لە 25 رۆژ لە یەکێک لە نەخۆشخانەکانی سعوودیە کۆچی دواییکرد.
بەڕێوەبەرایەتی گشتیی حەج و عومرەی هەرێمی کوردستان ڕایگەیاند: هاووڵاتییەک جەمال عەلی محەمەد تەمەن 50 ساڵ، دانیشتووی شاری دهۆکە و ماوەیەکی زۆرە بۆ گەشتی عومرە سەردانی سعوودیەی کردبوو، لەگەڵ گەیشتنی بۆ ئەو وڵاتە باری تەندروستی تێکچووبوو و ڕەوانەی نەخۆشخانە کرابوو، بەڵام بەهۆی ئەوەی کە پێشتر نەخۆشیی شێرپەنجەی هەبووە کۆچی دواییکردووە.
ڕاشیگەیاند: بەر لە چەند رۆژێک تیمێکی بەرێوەبەرایەتی حەج و عومرە بە مەبەستی بەسەرکردنەوەی ئەو عومرەکارە سەردانی نەخۆشخانەی مەلیک فەیصەلیان کرد و لە نزیکەوە ئامادەیی خۆیان دەربڕی بۆ هەر هاوکاری و هەماهەنگییەک.
ئاماژەی بەوەش دا کە دوای تەواوکردنی رێکارە کارگێرییەکانی تایبەت بە وڵاتی سعوودیە بڕیارە هەر لە گۆرستانی شاری مەککەی پیرۆز بە خاک بسپێردرێت.
هاوکات بەڕێوەبەرایەتییەکە سەرەخۆشی لە بنەماڵە و کەسوکاری ئەو عومرەکارە دەکات و نووسیویەتی "داواکارین لە خوای گەورە جێگەی بە بەهەشتی بەرین شاد بکات و ئارامی بە کەسوکاری بدات."
کۆمێنت (0)
تا ئێستا هیچ کۆمێنتێک نەکراوە.