سه‌رۆكایه‌تی ئه‌ركانی سوپای ئۆكراینا رایگه‌یاند کە له 24ی شوبات تا 29ی ئادار 17 هه‌زار و 200 سه‌ربازی سوپای رووسیا کوژراون، هەروەها 127 فڕۆكه، 129 هه‌لیكۆپته‌ر و 597 تانكیی تێکشکێنراوە.
سه‌رۆكایه‌تی ئه‌ركانی سوپای ئۆكراینا له راگه‌یه‌ندراوێكدا، زیانه‌كانی سوپای رووسیای له 24ی شوبات تا 29ی ئادار بڵاو كردووه‌ته‌وه.
له راگه‌یه‌ندراوه‌كه‌دا به تیشك خستنه سه‌ر ئه‌وه‌ی كه 17 هه‌زار و 200 سه‌ربازی رووسیا كوژراون، ئاماژه به‌وه دراوه 127 فڕۆكه، 129 هه‌لیكۆپته‌ر، 597 تانك، هه‌زار و 710 زرێپۆش، 303 تۆپ، 96 سیسته‌می مووشه‌كهاوێژ و 54 سیسته‌می به‌رگریی ئاسمانیی رووسیا تێكشكێندراون.
ئەوەشی خستووەتە روو کە هێزه‌كانی رووسیا، هه‌روه‌ها هه‌زار و 178 ئۆتۆمبێل، حه‌وت كه‌شتی و به‌له‌م، 73 ئۆتۆمبێلی گواستنه‌وه‌ی سووته‌مه‌نی و 71فڕۆكه‌ی بێفڕۆكه‌وانیان له‌ده‌ستداوه.
کۆمێنت (0)
تا ئێستا هیچ کۆمێنتێک نەکراوە.