ئه‌مڕۆ پێنجشه‌م تاوانێك به‌ته‌واوی وڵاتی چیكی هه‌ژاند، دوای ئه‌وه‌ی قوتابییه‌كی قۆناغی ناوه‌ندی له شاری براگی پایته‌خت به ساتوور مامۆستاكه‌ی ده‌كوژێت و بۆ شوێنێكی نادیار ڕاده‌كات.
پۆلیسی چیك ئاشكرای كرد: ئه‌مڕۆ پێنجشه‌م قوتابییه‌كی قۆناغی ئاماده‌یی له شاری براگ هێرشی كرده سه‌ر مامۆستاكه‌ی و به‌داخه‌وه كوشتی.
ڕاشیگه‌یاند: دوای ئه‌نجامدانی تاوانه‌كه، قوتابییه‌كه ساتووره‌كه‌ی له شوێنی تاوانه‌كه جێهێشتووه و بۆ شوێنێكی نادیار ڕای كردووه و به‌سه‌دان پۆلیسی شاری براگ و به هاوكاری هه‌لیكۆپته‌ر به‌شوێنیدا ده‌گه‌ڕێن.
پیته‌ر گازدیك وه‌زیری په‌روه‌رده‌ی چیك پشتڕاستی تاوانه‌كه‌ی كرده‌وه و ڕایگه‌یاند: دوای ئه‌وه‌ی قوتابییه‌كه له ئه‌زموونێكی دوێنێی قوتابخانه‌كه‌ی ده‌كه‌وێت، ئه‌مڕۆ له‌نێو قوتابخانه له‌گه‌ڵ مامۆستاكه ده‌بێته شه‌ڕیان و هێرشی ده‌كاته‌سه‌ر.
کۆمێنت (0)
تا ئێستا هیچ کۆمێنتێک نەکراوە.