سەرۆکایەتی دیوانی ئەنجوومەنی وەزیران ڕوونکردنەوەیەکی سەبارەت بە ھەواڵێکی ناڕاست لەسەر پرۆسەی دابەشکردنی مووچە و ئامادەکارییەکان بڵاوکردۆتەوە.
سەرۆکایەتی دیوانی ئەنجوومەنی وەزیرانی ھەرێمی کوردستان لە ڕوونکردنەوەکەدا نووسیویەتی "ئێوارەی ئەمڕۆ یەکشەممە لە کەناڵی کەی ئێن ئێن، کە کەناڵێکی فەرمیی سەر بە بزووتنەوەی گۆڕانە هەواڵێکی ناڕێک و ناڕاست بڵاوکرایەوە کە گوایە مووچەی مانگی 3 بە فەرمانی سەرۆکی حکوومەت دواخراوە."
ھەروەھا نووسیویەتی "لە بەر ئەوەی بزووتنەوەی گۆڕان بەشدارێکی سەرەکیی حکوومەتە و وەزیری داراییش سەر بەو بزووتنەوەیە، چاوەڕوانی ڕوونکردنەوەی ئەوانین بۆ بەدرۆخستنەوەی ئەم هەواڵە و بە پێچەوانەوە، دواتر ڕوونکردنەوەی پێویست لەسەر پرۆسەی دابەشکردنی مووچە و ئامادەکارییەکان و بەربەستەکانی، دەخەینەڕوو."
کۆمێنت (0)
تا ئێستا هیچ کۆمێنتێک نەکراوە.