وه‌زاره‌تی به‌رگریی ئۆكراینا رایگه‌یاند، سوپای رووسیا كه هێرشی كردووه‌ته سه‌ر ئۆكراینا، نزیكه‌ی 18 هه‌زار سه‌ربازی له‌ده‌ستداوه.
وه‌زاره‌تی به‌رگریی ئۆكراینا له راگه‌یه‌ندراوێكدا، زیانه‌كانی سوپای رووسیای له 24ی شوبات تاكوو سێی نیسان بڵاو كردووه‌ته‌وه.
له راگه‌یه‌ندراوه‌كه‌دا به تیشك خستنه سه‌ر ئه‌وه‌ی كه نزیكه‌ی 18 هه‌زار سه‌ربازی رووسیا كوژراون، ئاماژه به‌وه دراوه 147 فڕۆكه، 134 هه‌لێكۆپته‌ر، 644 تانك، هه‌زار و 830 زرێپۆش،325 تۆپ، 105 سیسته‌می مووشه‌كهاوێژ و 54 سیسته‌می به‌رگریی ئاسمانیی رووسیا تێك شكێندراون.
هێزه‌كانی رووسیا هه‌روه‌ها هه‌زار و 249 ئۆتۆمبێل، حه‌وت كه‌شتی و به‌له‌م، 76 ئۆتۆمبێلی گواستنه‌وه‌ی سووته‌مه‌نی و 89 فڕۆكه‌ی بێفڕۆكه‌وانیان له‌ده‌ستداوه.
کۆمێنت (0)
تا ئێستا هیچ کۆمێنتێک نەکراوە.