دابەشکردنی بەشەخۆراک دەستی پێ کرد

وەزارەتی بازرگانی و پیشازی ڕایگەیاند، ئەمڕۆ دووشەممە دابەشکردنی بەشە خۆراکی مانگی ئادار دەستی پێ کرد.

وەزارەتەکە ڕاگەیەنراوێکی بڵاوکردۆتەوە و تێیدا هاتووە "ئەمڕۆ دووشەممە بەسەر پەرشتی دلێر عەبدولواحید بەڕێوەبەری بازرگانی کەلوپەلی خۆراک هەولێر وە بەڕێوەبەری کۆمەڵگەی کۆگەکان و سەرجەم ئەمینداری کۆگەکان، دەست بە دابەشکردنـــی بەشەخۆراکـــــی مانگــی (ئاداری 2022) ی هاووڵاتیانی پارێزگای هەولێر کرا."

ئەوەشی خستووەتەڕوو کە ئەمڕۆ بەشە خۆراکی  بنکەی / 201  ناوشار، گەڕەکەکانی (شۆرش، کوێستان، زانایان، ئاری، کانی، شەقامی سورچیان و شەقامی بەحرکە) دابەش کرا.

هەروەها ڕایگەیاند: ئەو بابەتانەی ئەمڕۆ دابەش کران لە ( زەیت و دۆشاوی تەماتە و شەکر ) پێکهاتبوون. 

جەختیشی کردۆتەوە کە هەرکاتێک ( برنج و نیسک و لەتکەنۆک ) گەیشتە کۆگەکانمان ڕاستەوخۆ دابەشی سەر بریکارەکان دەکرێت.

وەزارەتەکە ئاماژەی بەوەش داوە کە ئەم بەشەخۆراکە وەجبەی دووەمی ساڵی 2022  لەسەر لیستی مانگی 3ەیە، بۆ هەر نەفەرێک پێکهاتووە لە:-

1- شەکر الاتحاد   1   کیلۆگرام.

2- زەیت الدار   یەک دەبەی  1 لتری.

3- دۆشاوی تەماتەی تورکی  1 قوتی 400 گرام.

4-  نیسک    500 گرام .

5- لەتکە نۆکی   500 گرام .

6- برنج تایلەندی  3 کیلۆگرام .